Agtultuloy a mangipapaay ti legal a tulong ken pampubliko a tulong kadagiti mangmangged ken employer ti Department of Labor and Employment (DOLE) a mangpatibker iti akemda kas maysa a pagtalkan nga intermediary para kadagiti concern nga adda pakainaigan ti panagtrabaho ken saan a pagkikinna-awatan iti lugar iti trabaho.
Impakaammo ti Public Assistance and Complaints Unit (PACU) ti DOLE a tinulonganda iti 191 walk-in clients idi napan a bulan a ti 117 ket lallaki idinto a 74 iti babbai pakairamanan iti sangapulo ket innem a persons with disabilities (PWD) ken duapulo ket tallo a senior citizens.
Kaaddoan a nagkiddaw ti tulong ket manipod National Capital Region (NCR) idinto a ti dadduma ket manipod Calabarzon ken Central Luzon.
Dagiti kaso a naawatda ket 132 iti simple a banag idinto a limapulo ket siam iti kasapulan pay iti nalawlawa a legal a panagadal.
