VIGAN CITY- Nasuron ken nasaktan ti agrekreklamo a ni Feliz Sanidad iti balikas ni Doctor Marcos iti Narvacan District Hospital a “nauma nak pay ketdi nga agad-admiten”.
Iti pannaki-uman ti Bombo Radyo Vigan kenkuana, napan nagpa-check up iti nasao nga ospital gapu ta agsakit ti ulona ken agkakapsut, ngem bayat ti panagdamdamag ni Dr. Marcos kenkuana, adda nurse a nangibaga nga awanen ti bakante a room, isu a naibalikas ti doktor a nauma nga agad-admiten.
Binaon ti doktor ni Sanidad a mapan agpa-laboratory ngem nagur-urayda iti dua agingga tallo nga oras.
Bayat iti panagur-urayda saannan a kabaelan ti marikriknana ngem awan iti nang-assist kenkuana uray no ado iti aglabas-labas ti sanguananna, ket idi naalada ti laboratory result-na, binaon ti MedTech ni Sanidad nga agsubli ken ni Doktora ngem saanen a nagsubli ta agsakit iti nakemna gapu iti inbalikas ti Doktor.
Idi August 09, nagpa-iconfine ni Sanidad iti Sto. Nino Hospital Sta. Maria ta saannan a kabaelan iti marikriknana ken nakita ti kabsatna ti laboratory result na a nababa ti platelet na.
Segun kenkuana, adda pay laeng puot na idi inpanda iti ospital, ngem idi mapan immisbo, nag-bleeding ken naawanan iti puot, ket idi makariing naka-oxygen ken naka-dextrose isunan.
Basar iti duktal iti nakaipananna nga ospital, dengue ken Tipus ti findings da.
Kabayatanna, nagpanawagan ni Sanidad kadagiti Doctors nga ubraenda iti kabaelanda, agbalinda a professional, ken saan a natangsit kadagiti pasiente, ta no ania iti napasamak kaniana ket isu met laeng iti napasamak idi ken ti inana.
