Kwinestyonaran ti Department of Justice ti decision ti maysa a korte idiay Manila a nag-acquit ken dati a Representative Arnolfo Teves Jr. ken dua pay a sabali a karaman iti kaso a panangpatay idi 2019 a nakairamanan ti maysa a board member ti Negros Oriental.
Segun ken ni Prosecutor General Richard Anthony Fadullon, maysa laeng ti testigo a timmakder kontra iti dati nga opisial a maibagbaga nga isu ti mastermind iti insidente.
Innayon na pay nga ububraen amin ti DOJ tapno makita no adda motion for reconsideration a mabalin a maipila ngem sigurado isuna a kwestyonaran da ti decision.
Idi napan a bulan, in-acquit ti Manila Regional Trial Court da Teves, Richard Cuadra, ken Rolando Pinili gapu ti kinakurang ti prosekusyon a mangpapigsa ti prima facie case.
Kabayatanna, ni Teves ket sumangsango iti sabali a kaso ti panag-patay idi 2023 a panagraut a nakatayan ni dati a Negros Oriental Governor Roel Degamo ken dadduma pay.
