Binalakadan ti Department of Health ti publiko a komunsulta pay nga umuna iti doktor sakbay nga agtumar iti doxycycline kontra leptospirosis kalpasan a mayexpose iti layus.
Segun ken ni Johanna Mallari-Abella ti DOH, napateg ti reseta ta ti panagtumar iti agas ket nakadepende iti lebel ti exposure iti Leptospira bacteria, a posible a makaakar uray awan ti dunor.
Kabayatanna, sipud Hunyo 8 agingga Agosto 7, 2025, umabot iti 2,396 ti kaso ti leptospirosis iti pagilian kalpasan ti layus idiay Metro Manila.
Nupay kasta, pinasingkedan met ti infectious disease expert a ni Dr. Rontgene Solante a bassit ti posibilidad nga agbalin daytoy nga health emergency.
Binallaagan pay ti DOH ti publiko mainaig iti saan a husto a panagaramat iti antibiotics ta mabalin nga agturong iti antimicrobial resistance.
