Plano ti Department of Energy (DOE) a maaddaan iti operational power plants ti Pilipinas iti masanguanan.
Segun kenni Energy Undersecretary Sharon Garin, gagemda ti maaddaan kadagiti commercially operational nuclear power plants inton tawen 2032 nga addaan iti 1,200 megawatts nga umuna a sumrek iti power mix ti pagilian, tapno in-inut nga umadu iti 4,800 megawatts inton tawen 2050.
Inaramid ni Garin ti statement bayat ti panangidaulona iti delegasion ti Pilipinas iti maika-68 a Regular Session ti International Atomic Energy Agency (IAEA) General Conference idiay Vienna, Austria.
Napaliiw ni Garin a ti 2024 ket maysa a landmark year para iti pagilian, ken ti panangiruar kadagiti nuclear energy roadmap charts ket maysa a wagas ti panagballigi.
Innayonna a dagiti prioridad ti DOE ket pakairamanan ti panangpatibker ken pananglapped iti pannakadadael ti non-proliferation regime, ti existential threat ti climate change, ken ti kinaawan hustisia ti kinapanglaw, sakit, ken bisin.
Kalpasanna, pinasingkedanna ti napigsa a suporta ti pagilian iti natalna a pannakausar ti atomic energy bayat a masigurado ti nuclear safety, ken non-proliferation.
