Ingkari ti Department of Energy (DOE) a mapasayaat ti suplay ti kuryente iti pagilian sakbay a malpas ti termino ni Pres. Ferdinand Marcos Jr. inton 2028, iti baet ti kaadda ti kangatoan a singir iti kuryente iti Southeast Asia iti Pilipinas.
Segun ken ni Energy Secretary Sharon Garin, padarasen ti DOE ti panagpatakder iti 200 power plants apaman a dumanon iti 2028, kasaruno iti bilin ti presidente.
Gagem a matignayan ti agdama a pagkasapulan iti kuryente, mapapigsa ti seguridad iti enerhia ken masuportaran iti panagdur-as iti industria.
Innayon ni Garin a kasapulan iti sumagmamano a tawen tapno maipatakder dagiti conventional ken renewable energy projects.
Kabayatanna, manamnama a ngumato iti arigna mamintallo a daras ti kangatoan a demand iti kuryente iti pagilian, manipod 16.6 gigawatts idi 2022 agingga 68.5 gigawatts apaman a dumanon iti 2050.
