--Ads--
Nagyaman ti Department of Migrant Workers (DMW) iti gobierno ti United Arab Emirates gapu iti panangipaayna iti pardon kadagiti 220 a Pilipino a naibalud iti pagilian-da.
Naipakaammo ti pardon idi December 26, 2024, kagiddan ti panangrambak ti UAE iti maika-limapulo ket tallo a National Day.
Segun iti DMW, ipakita daytoy nga aramid ti natibker ken agtultuloy a relasion ti Pilipinas ken UAE.
Impasigurado ti DMW a sisasagana ti Migrant Workers Office-UAE a makitinnulong iti Philippine Embassy para iti pannakaisubli dagiti nawayawayaan nga OFW.
-- ADVERTISEMENT --
Inkari pay ti DMW ti panangipaayda iti suporta para iti naurnos a reintegration babaen ti tulong dagiti nadumaduma nga ahensia ti gobierno.
