--Ads--
Nagballaag manen ti Department of Migrant Workers kontra kadagiti illegal recruiter a mangididiaya iti trabaho idiay Pakistan.
Segun iti DMW, masansan nga ikarkari dagiti illegal recruiter ti nangato a sueldo kas hotel staff, ngem no makasangpetdan idiay Pakistan, awan met ti maaw-awat dagiti aplikante a kontrata, saanda a maikkan iti husto a work visa, ken agpeggad pay ti kasasaadda.
Nupay kasta, nagballaag ti DMW iti publiko a saan nga umawat iti ania man a maidiaya a trabaho nangruna no ti visada ket tourist visa.
Maibalbalakad pay a siguradwen a ti ania man a job offer iti sabali a pagilian ket dimmalan iti lisensyado a recruitment agency a rehistrado iti DMW.
-- ADVERTISEMENT --
