Saan a pinagduaduaan ni Maria Sandra Dimaano, manipud Don Mariano Marcos Memorial State University-South La Union Campus, top 9 ti nursing licensure examination ti bagina ken kabaellaanna tapno makapasa ti examination ken agbalin a Topnotcher.
Iti pannaki-uman ti Bombo Radyo Vigan ken ni Dimaano, dagiti nagannakna iti nagbalin nga inspirasyonna tapno maipasana ti examination, ta nabayagen nga OFW ti amana, ken fish vendor met ti Inana.
Segun ken ni Dimaano, nakitana ti sakripisyo dagiti nagannakna tapno laeng makaadalda kadagiti kakabsatna nga adda ita amin ti kolehiyo.
Kabayatan ti review, liniklikanna ti social media, agrev-review iti 8-12 hours, agbasabasa kadagiti notes, inadalna dagiti concept, in-master na dagiti basics, nagkararag iti namarsua, ken kanayon a positive affirmation a makapasa ti examination.
Nagbalin met a support system na dagiti kaduana iti review center, ken na-enjoy na gapu ta awan iti nagbalin a competition no di ket tinnulong.
Innayonna pay nga iti nangiduron kenkuana a mangala ti kurso a nursing ket idi nakitana no kasano nga aywanan dagiti nurse ti lolo-na a na-confine ti ospital.
Iti agdama, awan iti planona nga agbalin a Doctor no di ket kayatna iti agadal ti creative writing.
