Impasigurado ni Department of Public Works and Highways Secretary Vince Dizon a natibker dagiti maar-aramid a pampubliko ken kritikal nga imprastraktura iti Davao Oriental a nadadael gapu iti magnitude 7.4 a gingined idi Oktubre.
Segun ken ni Dizon, ti napateg ket malpas nga insigida dagiti pasilidad ken imprastraktura tapno agtultuloy ti serbisio ti lokal a gobierno, ken ti panangresponde kadagiti didigra ken emergency.
Innayonna a ti bilin ni Presidente Bongbong Marcos ket alistwan ti pannakatarimaan dagiti nadadael nga imprastraktura kas dagiti pampubliko a pagadalan, ospital ken munisipio iti probinsia.
Personal a kinita ni Dizon ti restoration ken repair works ti Evaristo Moralizon National Vocational High School ken Manay Municipal Hall agraman ti Davao Oriental Provincial Hospital idiay Cateel.
