Mapapati a saan a mailibak nga adda direkta nga akem ni Vice President Sara Duterte iti liquidation ti confidential funds-na.
Nagsarita ni House prosecution panel legal spokesperson Atty. Benjamin Tolosa kalpasan a dinakamat ni Commission on Audit (COA) auditor Roderick Wamil dagiti pirma ni Duterte iti OVP disbursement voucher, liquidation report, accomplishment report ken certification nga adda pakainaigan ti P125 million confidential fund cash advance iti OVP a nagastos iti uneg iti sangapulo ket maysa nga aldaw idi December 2022.
Segun ken ni Tolosa, very straightforward ti testimonia ti testigo isu a narigat iti ag-object.
Impaganetgetna a dagiti rekord a naadal ket mismo nga impada ti OVP iti COA tapno paneknekan ti nagbalin a gastosda iti confidential funds.
Iti panagdenggeg ti Senate impeachment trial, kinuna ni Wamil a ti pirma ni Duterte iti liquidation report ket mangpaneknek a naipatungpal ti gagem ti confidential fund cash advance ken inaprubaranna iti linaonna, bayat a ti pirmana iti naisina a certification ket agserserbi a kompirmasyon iti linaon iti dokumento.
