Pagan-annaden ti Department of Interior and Local Government (DILG) dagiti local government units kontra iti online messages ken surat nga adda logo iti DILG, ken National Barangay Operations Office (NBOO).
Dayta ket kasaruno ti naawat a surat kadagiti LGU ga adda logo iti DILG ken NBOO a mangkidkiddaw kadagiti sensitibo nga impormasyon babaen ti email, kas iti panag-verify ti address kadagiti pribado nga indibidual, panagkiddaw ti tulong iti panangidanon ti subpoena, writ of execution, default judgement wenno sentensia iti saan a panagdar-ay ken property garnishment.
Impalagip ti DILG kadagiti barangay officials nga idalan laeng iti husto a proseso iti panangted kadagiti personal nga impormasyon manipod iti rekord iti barangay.
Impaganetget pay ti DILG a posible a sumango kadagiti kaso nga administratibo, civil ken kriminal ti siasinoman nga agaramat iti logo iti DILG ken NBOO a saan nga otorisado.
