Ikonsidera ni Sec. Jonvic Remulla iti Department of Interior and Local Government a pilaan iti kaso ni dati a Negros Oriental Rep. Jacinto “Jing” Paras gapu iti alegasion ti “honey trap” scheme a nangpuntiria ken ni Executive Secretary Ralph Recto.
Segun ken ni Department of Interior and Local Government (DILG) Secretary Jonvic Remulla, sumagmamano pay laeng nga opisyal ti gobyerno ti puntiria iti nasao a modus.
Karaman ti kabsatna a ni Ombudsman Jesus Remulla ken Public Works Secretary Vince Dizon.
Patien ni Remulla a mabalin a ni Paras ti mastermind ti nasao a modus operandi ken isu ti mangikonektar iti makunkuna a bugaw.
Inlibak met ti abogado a ni Atty. Mark Tolentino ti nasao nga alegasyon ket kiniddawna kenni Remula a mangiparang daytoy ti naan-anay ken natibker nga ebidensia. Kleofe Jyna Dayag
