Pinasingkedan ti Department of Foreign Affairs a nakasagana a suportaran dagiti ahensia nga agimbestigar kadagiti dadduma a Chinese nationals a nakemmeg gapu iti mapapati nga espionage activities.
Segun ken ni Foreign Affairs Secretary Enrique Manalo, nakasagana a tumulong ti ahensia iti Department of Justice ken ti Armed Forces of the Philippines iti ania man a makabaelanda.
Karaman ti DFA kadagiti ahensia nga adda pakainaiganna iti national security ken ti isyu ti maatap nga espiya iti pagilian a nasken a maseryoso.
Nakemmeg ti National Bureau of Investigation ti lima a Chinese national idiay Palawan ken Manila ita a lawas gapu iti mapapati nga espionage activities.
Kitkitaen met dagiti otoridad no adda pakainaigan dagiti natiliw a Chinese national ken ni Deng Yuanqing nga immuna a nakemmeg agraman ti dua pay a Pinoy gapu iti panagespia.
