Inruaren ti Holy See Press Office dagiti detalye iti pannakaitabon ni Pope Francis inton Sabado, Abril 26.
Kas iti nailanad iti naudi a kiddaw ti pimmusay a Santo Papa, maitabon iti Papal Basilica ti St. Mary Major.
Idaulwan ni His Eminence Cardinal Kevin Joseph Farrell nga agserserbi a Camerlengo ti Holy Roman Church ti funeral rites ti pannakaitabon ti Santo Papa.
Dagiti manamnama a duma-ay a nangangato a cardinal ket pakairamanan da Cardinal Giovanni Battista Re, Dean ti College of Cardinals; Cardinal Roger Michael Mahony, Cardinal Presbyter; Cardinal Dominique Mamberti, Cardinal Protodeacon; dati a Secretary of State Cardinal Pietro Parolin, ken dadduma pay.
Mapadpadar-ay pay iti tabon dagiti amin a Secretaries ti Holy Father.
Iti aldaw ti pumpon, addanto ti funeral Holy Mass sakbay a maipan ti bangkay ti Santo Papa iti pakaitabonanna.
Numan pay innem nga aldaw laeng sipud idi pimmusay ti Santo Papa agingga iti pannakaitabonna inton Sabado, suroten latta ti simbaan ti siam nga agsasaruno nga aldaw ti panagladingit.
Kada aldaw ket adda misa para iti Santo Papa.
