Ipatungpal ti gobierno ti deployment ban kadagiti damo nga overseas Filipino Worker, kadagiti pagilian a naapektaran iti riribuk ti Iran, Israel ken Amerika.
Dayta ti pinasingkedan ni Department of Migrant Workers ken Overseas Workers Welfare Administration.
Segun ken ni DMW Secretary Hans Leo Cacdac, no maingato iti alert level 2 ti alerto kadagiti pagilian iti Middle East, otomatiko ti deployment ban kadagiti first timer.
Karaman kadagiti pagilian a nangingato iti alert level 2 ti Bahrain, Kuwait, Qatar, United Arab Emirates ken Israel, idinto nga alert level 3 iti Lebanon.
Malaksid iti natay a ni Mary Ann de Vera, kinuna ti opisial nga adda pay maysa a Pilipino a nadunor iti Kuwait airport, ngem minor injury laeng ken nakaruaren iti ospital.
Innayon ni Cacdacnga adda OWWA shelter ti gobierno kadagiti nadumaduma a pagilian iti Middle East a kumamangan pay laeng dagiti OFW no bilang kasapulanda ti pumanaw iti lugar a pagub-ubraanda.
