Posible a mapukawan ti nasurok P226 bilyon agingga P232 bilyon ti ekonomiya ti Pilipinas no kas bilang maipatungpal ti deployment ban dagiti Overseas Filipino Workers idiay Middle East segun ken ni Department of Economy, Planning, and Development (DEPDev) Secretary Arsenio Balisacan.
Pinasingkedan ni Balisacan a mabalin a mapasamak ti pannakapukaw ti nadakamat a gatad no ma-repatriate wenno mapagawid dagiti nasurok-kumurang 550, 000 a Pilipino nga agdama a mangmangged iti rehiyon.
Segun ti opisial, ti gatad ket katukad ti dandani 65% ti remittances wenno kuwarta nga ipawpaw-it dagiti OFW manipud Middle East dituy Pilipinas.
Gapu daytoy, dakkel ti agbalin nga epekto na saan laeng kadagiti mangmangged a Pilipino ngem uray pay iti kabuklan nga ekonomiya ti pagilian.
