--Ads--
Nagballaag ti Department of Education iti publiko kontra kadagiti mapagduduaan a tattao nga agpampammarang a kameng ti ahensia.
Inlawlawag ti DepEd a dagiti opisial ken personnel ket saan nga agsol-solicit iti aniaman kadagiti tattao wenno grupo.
Maibasar kadagiti report, dagiti nasao a tattao ket ar-aramatenda ti nagan dagiti opisial ti DepEd nga agtawag wenno agipatulod iti mensahe kadagiti target-da a biktima.
Nupay kasta, balakad ti ahensia iti publiko nga agridam kadagitoy nga iskema ket maallukoy ti tunggal maysa a liklikan ti makikammayet kadagiti saan nga otorisado a tattao ket pagtalkan laeng ti mismo nga ahensia.
-- ADVERTISEMENT --
Saan a kunkunsintiren ti DepEd dagiti tattao nga agar-aramat iti nagan ti ahensia tapno agaramid iti madi.
