Inamin ti third Department of Education official a nakaawat iti cash envelopes nga pakabuklan a P225,000 bayat ti termino ni Bise Presidente Sara Duterte kas education secretary.
Segun ken ni DepEd Chief Accountant Rhunna Catalan, inted ni dati a DepEd Assistant Secretary Sunshine Fajarda dagiti cash envelopes a P25,000 iti siam a daras manipud Pebrero agingga Disiembre 2023.
Dayta ti imbutaktaktakna bayat ti panagdengngeg ti House good governance committee ken panangipapilit ni Rep. Joel Chua a sungbatanna a pudno dagiti saludsodda.
Nakaawat ti Catalan kadagiti cash envelopes manipud kenni Fajarda iti isu met laeng a bilang ken bayat ti isu met laeng a panawen a kas ken ni dati a DepEd Undersecretary Gloria Mercado.
Nupay kasta, tunggal sobre a maaw-awat ni Mercado ket adda linaunna a P50,000.
Kabayatanna, ni dati a DepEd Bids and Awards Committee Chairperson Resty Osias ti maikadua a nangato ti ranggona nga opisial ti ahensia, ket inbagana iti House committee a nakaawat iti cash envelopes manipud ken ni Fajarda.
Para ken ni Osias, umabot iti P12,000 agingga iti P15,000 ti tunggal maysa dagiti sobre a naawatna.
