Impakaammo ti Department of Environment and Natural Resources (DENR) ti panangisayangkat ti nalawa nga imbestigasyon iti Morterrazas de Cebu project kagiddan ti amak iti posible nga epektona iti aglawlaw ken kinatalged dagiti residente.
Gagem ti multistakeholder investigation nga adalen nu sursuroten ti proyekto dagiti kondisyon ti Environment Compliance Certificate (ECC) ken dadduma pay nga environmental regulations.
Karaman pay a makita ti effectivity ti drainaige ken slope protection systems, runoff management, ken stability tapno mabigbig ti peggad ti landslide ken layos.
Mabukel ti Joint Inspections, Investigation, and Assessment Team dagiti technical expert manipod iti agduduma nga ahensya ken opisina iti gobierno.
Segun ti DENR, nu mapaneknekan a naglabsing kadagiti kondisyon ti ECC wenno dagiti linteg iti aglawlaw, insigida a maipatungpal iti mayannatup a tignay pakairamanan ti suspension, muelta wenno dadduma pay a legal nga addang kasaruno iti linteg.
