Inallukoy ni Department of National Defense Secretary Gilberto Teodoro ti tunggal Pilipino a pagpanunotan a nalaing iti kaipapanan ti waya-waya ken kinappia kagiddan ti panagrambak ti maika-sangagasut duapulo ket pito a tawen ti Independence Day.
Segun ken ni Teodoro, ti soberanya ken kinappia ket saan a kellaat nga agkamali nu diketdi panangipaay iti napagtitipon a panaggag-gaget ken natibker a panangitakder.
Impaganetgetna nga iti baet iti napnu a tensyon iti lubong ket saanen a natalged uray kadagiti isla wenno dadakkel a pagilian kadagiti karit para iti masakupanda.
Iti salinong ti administrasyon ni President Ferdinand Marcos Jr. ket ti kangrunaan a gagem ket ti panangpapigsa ti kabaelan ti pagilian, nasaysayaat a koneksyon dagiti umili ken panangsigurado a marikna ti tunggal Pilipino dagiti benepisyo iti gobierno.
Ballaag ni Teodoro a ti tunggal aldaw a panangbaybay-a iti pagilian ket karkaru a maawanan ti kabaelan nga agbalin a napudno ken nadur-as.
Nagpanawagan pay ni Teodoro kadagiti Pilipino a makikaysa ken aramaten iti laingda para iti pagsayaatan dagiti umili.
