Impakaammo ti Department of National Defense nga ad-adalen ti Pilipinas ti panangpalawa pay ti bilateral defense cooperation da iti Japan, Malaysia, ken Singapore.
Napagpapatangan iti taripnong ti DND ken dagiti defense agency ti tallo a pagilian iti sidelines ti maika-3 a Japan Pacific Islands Defense Dialogue.
Indauloan ti Defense Assistant Secretary for International Affairs a ni Marita Yoro ti delegasion ti Pilipinas.
Iti taripnong, nasimpa ti capacity-building initiatives ken napapigsa ti koordinasion iti patangan ti seguridad kas ti maritime security, counter-terrorism, ken humanitarian assistance and disaster relief (HADR).
Maipalagip a nagpirma ti Pilipinas ken Japan ti reciprocal military access pact ken agtultuloy ti panangited ti Japan ti minilyon a gatad ti alikamen ken suporta iti defense infrastructure tapno mapapigsa ti kabaelan ti pagilian iti depensa.
