Nangipila ni House Deputy Minority Leader Rep. Leila de Lima iti gakat a mangamyendar iti Republic Act No 10931 wenno ti Universal Access to Quality Tertiary Education Act tapno masigurado a maganar dagiti marigrigat nga estudiante.
Segun ken ni De Lima, rimmuar dagiti pagkurangan iti pannakaipatungpal ti linteg, agraman ti panagbaba ti bilang dagiti benepisyaryo ti Tertiary Education Subsidy manipud iti karigatan a sektor ken dagiti karaman iti 4Ps program.
Gagem ti House Bill No 6825 nga ipangruna dagiti kwalipikado a 4PS beneficiaries a makastrek iti CHED wenno TESDA- recognized institutions, mailawlawa ti sakup ti TES tapno iraman ti internship ken related learning expenses.
Kasta payen a mapapigsa ti transparency ken accountability babaen iti monitoring system ken grievance mechanism.
