VIGAN CITY – Kayat ti dati a Philippine Olympic Committee (POC) chair ken agdama a presidente ti Samahang Weightlifting ng Pilipinas (SWP) Monico Puentevella a dagiti naub-ubing ngem isudan iti masapul a mangituray ti POC kadagitoy a panawen.
Dayta ket kalpasan a nagtutulagan da idi kalman nga adda iti maisayangkat nga special elections inton July 5 tapnu makapili da iti baro a presidente ti komite.
Samahang Weightlifting ng Pilipinas President Monico Puentevella
Ti pannaki-uman ti Bombo Radyo Vigan, kinuna ni Puentevella a kayat na met a maikkan iti gundaway dagiti na-ub-ubing ngem isuda a mangipakita iti laing da isu a nu mabalbalin ket isudan iti mapili a presidente ti komite.
Ngem, nu awan ti naub-ubing ngem isuda a kayat na iti mangituray ti POC, kapilitan a dagiti met laeng a nataengan iti aglalaban tapnu agbalin a presidente.
Inpeksa met ti dati a POC chair iti panangpresyar na iti panagikkat da Joey Romasanta, GSIS president ken POC board member Clint Aranas pakairamanan dagiti tallo pay a kakadua da iti board ta imbes a makipinnatangken da ket nagikkat da laengen tapnu mairuangan iti special election.
