Inallukoy ti Independent Commission for Infrastructure (ICI) ti Ombudsman nga imbestigaran ni dati a Department of Public Works and Highways (DPWH) Secretary Manuel Bonoan ken dagiti undersecretary a da Roberto Bernardo ken Maria Catalina Cabral maipanggep ti PhP69.4 million a “ghost” flood control project idiay Plaridel, Bulacan.
Segun ken ni ICI Chair Andres Reyes Jr., ti Riverbank Protection Structure idiay Barangay Bagong Silang (Purok 4) ket na-flag ti Commission on Audit (COA) gapu ta naipatakder iti saan a husto a lokasion ken kurang iti husto a dokumentasion.
Inallukoy pay ti ICI ti Ombudsman a sukisoken no mabalin a mapilaan ti kaso a malversation ken panaglabsing iti Anti-Graft and Corrupt Practices Act ken Government Procurement Reform Act kontra kadagiti dadduma pay nga inhinyero.
Nagikkaten da Bonoan ken Cabral, ken inaklon ni Bonoan ti pannakairamanna iti anomalia iti sumagmamano a flood control projects. Augie Arellano
