Pinasingkedan ni retired Supreme Court Chief Justice Artemio Panganiban a ti kiddaw, sapsapulen ken namnamaen dagiti Pilipino manipud iti Senate impeachment court ket ‘hustisia’.
Iti panagsango na kas amicus curiae iti Senado, saan a nagdudua ni Panganiban iti panangibaga na a dagiti saludsod ken sungbat a birbiruken dagiti senator-judge ket kasla manipud iti point of view dagiti senador.
Impaganetget ni Panganiban a masapul nga ikonsiderar dagiti senador ti kidkiddawen ken sapsapulen ti publiko manipud kadagiti senator-judge, isu daytoy ti hustisia.
Napateg a maammuan dagiti senador dagiti karirikna ti publiko nga agkidkiddaw ti hustisia manipud iti maysa nga impeachment court kas maysa a kangrunaan a tarabay iti panagtulid ti impeachment trial.
