--Ads--
Nagprotesta dagiti nadumaduma a grupo iti opisina ni Vice President Sara Duterte idiay Mandaluyong City, itay agsapa tapno impaganetget iti Senate Impeachment Court a masentensyaan a guilty ti bise presidente.
Nangbukel iti human chain dagiti raliyista a nakaiggem kadagiti placard kas paset iti panagprotestada.
Segun kadagiti grupo a Hukbo ng Malayang Bayan ken Kabataan Sagisag kasta payen ti Gabay ng Pilipino, makanayen dagiti argumento ken ebidensia a nailanad kadagiti alegasion iti unexplained wealth, saan a naideklara a sanikua, iregularidad iti SALN, ken saan a husto a panagaramat iti confidential funds.
Inyunay-unay ti grupo nga ituloyda ti agprotesta agingga saan a mabalud ken maikkat iti puesto ni Duterte.
-- ADVERTISEMENT --
