Pinasingkedan ni former Cebu mayor Tomas Osmeña a nakaawaat ti pangta a “Don’t touch the president’s women”, kalpasan a nagreklamo maipapan iti pannakadutok ni police colonel Royina Garma kas Cebu City police chief.
Segun iti dati a mayor, naawatna ti ballaag kalpasan a nagreklamo ken ni dati a Presidente Rodrigo Duterte idiay Malacañang idi 2018 mainaig iti pannakadutok ni Garma.
Iti laksid ti panagkontra ti mayor, nagtugaw latta ni Garma ti puesto.
Kabayatanna, saanen a nangted ni Osmeña no sino ti nangted kenkuana ti ballaag ngem isu met laeng ti nangted kenkuana ti Tip a madutokan ni Garma kas general manager ti PCSO.
Inladawan pay ni Osmeña ni Garma kas “worse than Janet Lim Napoles”, ken nagpanawagan a saan nga agpaallilaw iti panangsangitna gapu ta adu a tattao ti nadangran, na-tortured ken napapatay a tattao ken Cebuanos.
