Pinasingkedan iti Philippine Drug Enforcement Agency (PDEA) ken Dangerous Drugs Board (DDB) a masapul nga umuna a mabaliwan ti Republic Act 9165 wenno ti Dangerous Drugs Act sakbay a ma-downgrade ti marijuana wenno cannabis iti listaan dagiti most dangerous drugs iti pagilian.
Daytoy ti sungbatda iti saludsod ni Senador Robin Padilla mainaig iti singasing a panagbalin a legal ti medical cannabis ditoy Pilipinas.
Nupay silulukat ti PDEA ken DDB iti panag-downgrade ti marijuana, kas desisyon iti survey ti United Nations (UN) idi December 2020, masapul nga umuna a mabaliwan ti linteg gapu ta nakailanad pay laeng ti RA 9165 a karaman ti marijuana kadagiti maiparit a substance iti Pilipinas.
Segun kenni Senador Ronald ‘Bato’ dela Rosa, sponsor ti 2025 budget-da, a nakasaganadan a makitinnulong para iti reclassification wenno panag-downgrade ti marijuana.
