Umabot iti P180 bilyon ti pondo a mabalin nga usaren ti executive department para iti rehabilitasion dagiti lugar a naapektaran ti napasamak a magnitude 7.8 ginggined idiay Mindanao, segun ken ni Senate President Sherwin Gatchalian.
Ti baro a senate leader ket isu ti agserserbi kas chairman ti Finance Committee a kangrunaan a mangkitkita iti 2026 National Budget.
Segun ken ni Gatchalian, iduron na ti naparpardas a panagirruar ti pondo manipud iti executive department tapno makabangon a dagus dagiti biktima ti napasamak a ginggined.
Manipud iti P180 bilyon, agingga 18 bilyon ti mabalin nga aramaten iti salinong ti National Disaster Risk Reduction and Management Council (NDRRMC) kas risk reduction fund iti reconstruction effort.
Innayon ni Gatchalian nga adda naan-any a pondo ket ti masapul laeng ti napardas a panagirruar para iti dagus a rehabilitasion.
