--Ads--
Inkalintegan ti Malakanyang ti ngimmato nga utang ti pagilian, ta immabot iti P18.49 trillion iti agtapos ti bulan ti Marso.
Nangatngato daytoy iti P328.3 billion wenno 1.81 percent no ikumpara iti utang ti pagilian idi Pebrero.
Segun ken ni Presidential Communications Office Usec Claire Castro, saan nga ita a ngimmato ti utang ti pagilian ta natawid daytoy ni Presidente Ferdinand Marcos Jr ken ni dati a Presidente Rodrigo Duterte.
Innayon ni Castro a nabaybay-an daytoy gapu kadagiti isyu iti pondo kas ti Pharmally ken dagiti mapapati a ghost project iti salinong ti Build, Build, Build program ti napalabas nga administrasion.
-- ADVERTISEMENT --
