Impaganetget ti Malakanyang a nabayagen a nakalatang ti daga nga aramaten ti Pax Silica project ken saan a dagus a naala para iti nasao a venture.
Segun ken ni Palace Press Officer Undersecretary Claire Castro, idi 2019 pay laeng, kagiddan ti panagsagana ti Southeast Asian Games, naitudingen dagiti buildable areas wenno dagiti lugar a posible a pakaipatakderan dagiti proyekto idiay New Clark City.
Adda nasurok-kumurang 6,000 nga ektaria iti daga ti nakalatang para iti open green spaces, forest reserves ken upland farming.
Innayon ni Castro a 3,500 nga ektaria laeng ti maaramat para iti Pax Silica project.
No pay kasta ket siguradoen ti Malakanyang a saan a maapektaran dagiti mannalon iti pannakaipatakder ti artificial intelligence (AI) ken semiconductor industrial hub, a manamnama a makapartuat iti dekalidad a trabaho ken mangipaay iti dakkel a panagpuonan iti high-tech industries.
