Sagsaganaanen ti Department of Agriculture ti panangipaay iti fuel subsidy kadagiti mannalon ken mangngalap kalpasan ti pannakibiang ti Amerika iti rinnupak ti Israel ken Iran.
Nagpangta ti Iran a serraan ti strait of Hormuz a pakaidaldalanan ti 20 percent dagiti kasapulan a produkto petrolyo.
Aminado ni Agriculture Secretary Francisco Tiu Laurel Jr a maaddaan iti nayon a gastos iti transportasyon dagiti produkto a pang-agrikultura gapu iti epekto ti tensyon idiay Middle East.
Immunan nga inwaragawag dagiti dakkel a kompania ti langis a mangipatungpalda iti nayon a presyo ti produkto petrolyo.
Urayenda pay ti programa ti Department of Energy iti fuel subsidy tapno makita no mabalin a makigiddan dagiti adda iti agriculture sector a mabalin a maka-avail iti ayuda.
Malaksid iti impact iti transportation ti agricultural goods, maapektaran pay ti presyo ti ganagan no agtultuloy ti rinnupak.
