Nangbukel ti technical working group ni Agriculture Secretary Francisco Tiu Laurel tapno adalen ti posibilidad a pannakabukel ti bakuna kontra iti Foot and Mouth Disease (FMD).
Numanpay a bigbigbigen ti World Organization for Animal Health ti pagilian kas FMD-free nga awan vaccination practice na sipud idi May 2024, makitkita ti DA a dakkel ti epektona iti ekonomia ti pangta ti outbreak
Ti Pilipinas ket nabayagen a panawen a saan a nakapag-inoculate dagiti ayup kontra iti FMD a dagiti baka, baboy ken kalding ti masansan a matamtaman ti nadakamat a sakit
Maipalagip a ti Indonesia, Thailand ken Vietnam ti karama kadagiti pagilian nga asideg iti Pilipnas a nakarekord ti foot and mouth disease
Inaig dayta, dinutukan ni Tiu Laurel ni Assistant Secretary for Swine and Poultry Constante Palabrica, maysa a Doctor of Veterinary Medicine kas chairman ti technical working group nga isu ti mangirekomendar ti teknikal nga input tapno masigurado ti posibilidad a panagaramid ti lokal a bakuna kontra ti nasao a sakit
