--Ads--
Plano ti Department of Agriculture a mapalawa ti minimum access volume para iti imported a karne ti baboy ken mais tapno makatulong iti pananglapped iti panagpangina ti presiona iti merkado.
Segun ken ni DA Secretary Francisco Tiu Laurel Jr., posible a maaprubaran daytoy ita a bulan iti salinong ti MAV Plus scheme, a mangipalubos iti ad-adu nga import iti nalaklaka a taripa.
Insingasing met ti Federation of Free Farmers ti nayon a 250,000 metric tons nangruna iti mais.
Gagem ti addang a masigurado nga umdas ti suplay ken mapagtalinaed a magtengan latta ti presio ti taraon iti baet ti ngimmina a gastos iti shipping ken epekto ti riribuk iti Middle East.
-- ADVERTISEMENT --
