Imbilin ni Department of Agriculture Secretary Francisco Tiu Laurel Jr. ti nainget a monitoring iti presio ken suplay ti bagas kagiddan ti kumarkaro a tension idiay Middle East.
Inlawlawag ni DA Spokesperson assistant secretary Arnel De Mesa a mangrugi inton sumaruno a lawas ket kasapulan ti naing-inget a monitoring kadagiti merkado ken bodega ti bagas tapno masigurado nga adda naan-anay a suplay ti bagas ken saan a maabuso ti presio dagiti mailak-lako.
Iti agdama, nangrugin ti harvest season ken agtultuloy ti nangato a bulto ti local rice agingga bulan ti Abril, isu a naan-anay pay laeng ti stock ti bagas ti Pilipinas.
Para met iti imported rice, nagtalinaed a kangatoan a supplier ti bagas ti Southeast Asian counties kas ti Vietnam, Cambodia, ken Myanmar bayat a saan unay a dakkel ti magastos iti transportasion.
