Madanagan ti Commission on Population and Development gapu iti ngumatngato latta a saan a planado a panagsikug kadagiti babai nga agtawen iti 10-14 ditoy pagilian.
Segun ken ni Mylin Mirasol Quiray, makapadanag daytoy ta saan pay a nakasagana ti bagi dagiti ubbing ken mabalin nga adda pakainaiganna iti panagabuso nangruna ta 16 ti age of sexual content iti pagilian.
Maibasar iti Philippine Statistics Authority (PSA), 138,697 ti nagpasngay a babbai nga agtawen iti 19, ken 3,560 ket manipud kadagiti agtawen iti 10-14.
Inyunay-unay ti CPD ti kinapateg ti sex education, reproductive health services, proteksyon kontra iti abuso, ken aktibo a pannakipaset dagiti agtutubo tapno maliklikan ti nasapa a panagsikug, HIV/AIDS, ken dadduma pay a sexually transmitted infections.
