--Ads--
Nadadael iti 465 square meter a coral reef iti aglawlaw iti Pag-asa Island kalpasan a nag-deploy ti parachute anchor iti maysa a barko iti Chinese maritime militia kas kinuna ti Palawan Council for Sustainable Development (PCSD).
Segun ken ni PCSD Biologist Mark Dela Cruz, nangisayangkatda ti damage assessment idi June 17 kadua dagiti eksperto manipod Western Philippines University ken Philippine Council for Health Research and Development.
Naduktalan a numan pay saan a simmadsad iti barko nga adda bow number a 16868 idi Hunyo 7, naibati ken nagpababa ti parachute anchor-na iti siam a metro kadagiti coral reef.
Dayta iti gappuanan iti pannakatukkol ti coral branches ken pannakarumek iti paset dagiti dadakkel a coral.
-- ADVERTISEMENT --
