Naisayangkat ti Joint Region 1 and Region 2 Cooperative Conference on Palay Program ita nga aldaw idiay NSCC Plaza Hotel and Convention Center iti ili ti Caoayan, Ilocos Sur.
Ti addang ket kas panangsurot iti pammilin ni President Ferdinand Marcos Jr a pagbalinen nga available ti P20 per kilo, babaen iti panangpabileg iti akem dagiti kooperatiba iti rice production, consolidation, processing, ken marketing.
Iti pannaki-uman ti Bombo Radyo Vigan ken ni Divina Quemi, CEO ti NSCC, babaen iti aktibidad ket mailawlawag no ania ti mayetnag a price cap iti irik, mano ti paggatang kadagiti mannalon, ken no ania ti kalidad a mailako babaen iti 20 pesos.
Dimmar-ay iti aktibidad ti Department of Agriculture, National Food Authority ken dagiti dakkel a kooperatiba iti Region 1 and 2.
