Nakatudingen a marugyan ti maysa a komprehensibo a panagsukisok iti panangipatungpal ti Republic Act 9344, wenno ti “Juvenile Justice and Welfare Act of 2006” ti Senate Committee on Social Justice, Welfare, and Rural Development, iti panangidaulo ni Senador Erwin Tulfo.
Kasaruno daytoy iti sumagmamano nga high-profile cases a nakairamanan dagiti menor de edad, pakairamanan ti insidente ti pammaltog idiay Tacloban ken kaso ti pammagkong idiay Negros Occidental ken probinsia ti Cavite.
Pinasingkedan ti agpampanday linteg a ti nadakamat a panagsukisok ket nabayag nan nga isingsingasing sakbay pay isuna a simrek iti gobierno.
Maipalagip nga idi tawen 2019 ket binabalaw ni Tulfo ti panangipatungpal ti nadakamat a linteg, partikular iti kinakurang ti pondo para iti panagpatakder dagiti Bahay Pag-asa centers, ken kwinestiyon ti panagbalin nga epektibo ti agdama a tawen ti criminal liability.
Kitaen tatta ti komite dagiti kontrobersial a probision ti linteg, partikular iti nakatuding a tawen para iti criminal responsibility.
