Nalpasen ti Commission on Elections (Comelec) ti panag-imprenta dagiti opisyal a balota para iti nakaituding nga special elections inton March 14 iti maikadua a distrito idiay Antipolo City.
Mapatta-patta nga umabot iti 252,739 a balota ti naimprenta iti komisyon a naisayangkat iti National Printing Office idiay Diliman, Quezon City.
Immunan a pinasingkedan ti poll body a targetda a malpas ti produksyon iti uneg laeng iti maysa nga aldaw tapno nasayaat iti distribusyon dagiti election materials.
Ti special election ket naituding tapno supusupan ti nabakante a puesto iti maikadua a distrito idiay Antipolo kalpasan iti ipupusay ni Rep. Romeo Acop.
Mapatta-patta a nasurok P6 million iti gastos iti panag-imprenta dagiti balota pata iti special polls kas maibasar iti immunan a projection iti Comelec.
