--Ads--
Nainget a bantayan ti Commission on Elections (COMELEC) ti vote buying ken vote selling iti panangrugi ti campaign period ita nga aldaw, Agosto 28, para iti kaunaan a Bangsamoro Parliamentary elections.
Pinasingkedan ni COMELEC Chairman George M. Garcia nga activated ti Anti-Gift Committee, Task Force KKK, task force safe on anti-discrimination, ken Task Force Baklas kagiddan ti panangrugi ti campaign period.
Impaganetget ti COMELEC a saanda nga agdudua a mangdiskualipika kadagiti kandidato ken mangipila iti kaso a kriminal kadagiti aglabsing.
Patien ni Garcia nga aramiden ti Bangsamoro ti amin tapno mapagtalinaed ti naannayas a kampania, natalna nga eleksion, ken nadalus ti kaunaan nga eleksion iti Bangsamoro Parliamentary election.
-- ADVERTISEMENT --
