Impakaammo ti Department of Health (DOH) nga indalanda ti Code White Alert iti Central Office kas panagsagana ti posible a health emergencies maipanggep ti 2025 national ken local elections.
Manipod May 11 agingga 14, 2025 kinuna ti DOH ket maibayog ti Code White Alert Status iti Central Office a ti kayatna a sawen ket amin a medical personnel pakairamanan ti general ken specialized health teams keta ag-standby para iti immediate mobilization.
Segun ti DOH, dayta ket tapno masigurado ti kinasagana dagiti pasilidad ken personnel nga agresponde iti aniaman a posible a health emergencies sakbay, bayat ken kalpasan ti election day inton May 12.
Ti salinong ti nasao nga estado ket amin nga ospital ken healthcare facilities iti salinong ti DOH ket agmonitor iti aniaman nga insidente tapno ipaay ti kasapulan a medical assistance.
Impaganetget ti DOH a siguradoen ti proactive measures ti kinasagana dagiti health facilities ken personnel bayat ti 2025 election.
Gagem pay a matignayan ti posible a health ken safety risks kas ti heat-related illnesses, minor injuries ken dadduma pay nga emergency medical cases a mabalin a mapasamak bayat ti eleksyon.
