Kiniddaw ti Commission on Audit (COA) iti Senado a pagbalinen a linteg ti exemption-da manipod Salary Standardization Law (SSL), ti linteg a mangituding ti sueldo dagiti kameng iti gobierno.
Segun ken ni COA Chairperson Gamaliel Corboda, agtultuloy iti panagpanaw dagiti empleyado kalpasan iti dua agingga tallo a tawen iti serbisio.
Kinuna nga adu kadakuada iti umak-akar iti dadduma nga ahensya iti gobierno a nangatngato iti pasueldoda ta exempted-da iti SSL idinto a ti dadduma met ket umak-akar iti pribado a sektor wenno agtrabtrabaho iti abroad.
Segun ken ni Cordoba, napaspaspas ti attrition wenno panagpanaw dagiti kameng ngem iti hiring isu a nakarkaru pay a dimmakkel ti pagkurangan iti auditors ken technical staff iti ahensya.
Siguradoen met ni Senador Sherwin Gatchalian a chairman iti Senate Committee on Finance nga adalen iti komite iti kiddaw ti COA.
Kinunana nga umabot iti 4,000 ti unified wenno bakante a posisyon iti ahensya.
