Idurduron ni Akbayan Partylist Representative Jose Manuel ‘Chel’ Diokno ti panangidalan iti audit dagiti proyekto nga iniggaman dagiti contractors nga adda iti salinong ti Witness Protection Program.
Segun ken ni Diokno, gagem ti addang a makita no kasano kadakkel a pondo ti nailatang kadagiti proyekto ken no kasano a naala manipud iti public funds.
Uppat a kontraktors ti naipasidong iti Witness Protection Program a pakairamanan da dati a Department of Public Works and Highways (DPWH) Usec. Roberto Bernardo, dati a DPWH Bulacan First District Engr. Henry Alcantara, DPWH Engr. Gerard Opulencia ket ti kontraktor a ni Sally Santos nga akin-kukua ti SYMS Construction Trading.
Inlawlawag ni Diokno a sakbay a naipasidong dagituy iti protection program ket naala kuma manipud kadakuada ti electronic devices a posible a nakaipalaonan ti impormasion kadagiti proyekto nga kinontrata-da. Reynand Fontejon
