Agkiddaw ti Department of Public Works and Highways (DPWH) kadagiti pribado a kontratista tapno mapadaras ti panangsimpa kadagiti kalsada ken dadduma pay nga imprastruktura a nadadael gapu ti magnitude 7.8 a ginggined a timmama iti paset ti Mindanao.
Pinasingkedan ni DPWH Secretary Vince Dizon a saan a kabaelan ti ahensia laeng ti kinalawa ti perdisiyon.
Impaganetget ni Dizon a makibinnulig da kadagiti pribado a kontratista tapno naparpardas ti pannakasimpa na dagitoy.
Karaman kadagiti nadadael ti ginggined ti kangrunaan a a kalsada ti Sarangani, General Santos City, South Cotabato, Davao Occidental, ken Davao del Sur.
Positibo met ti nagbalin a sungbat dagiti pribado a kontratista ken impaganetget da a nakasagana da a tumulong iti rehabilitasion dagiti nadadael nga imprastruktura.
