VIGAN CITY- Natalek ti Commission on Human Rights nga awan ti nagkurangan da iti panangpalagip ti administrasyon ni Presidente Rodrigo Duterte inaig dagiti simrekan a katulagan ti Pilipinas iti international community, nangruna ti International Criminal Court (ICC).
Segun ken ni Atty. Jacqueline de Guia, pannakangiwat ti CHR iti exclusive interview ti Bombo Radyo Vigan, inaramid da amin a kabaelan da tapnu palagipan ni Presidente Rodrigo Duterte nu anya ti epekto na ti panangikkat ti Pilipinas iti suporta ti ICC ngem inaklon na a gobyerno latta ti masurot iti kamaudiananna.
Dayta ket reaksyon pay laeng ti ahensya iti panangikkat ni Presidente Duterte iti suporta na ti ICC gapu ti mapapati a pannakibiyang da kadagiti mapaspasamak ditoy pagilian, nangruna ti nadara a kampanya kontra iligal a droga ken ti panangpabasol da iti agdama nga administrasyon inaig iti mapaspasamak nga extrajudicial killings.
Immunan nga inbaga ti CHR a nu agikkat ti Pilipinas iti international arbitral tribunal, awan ton ti pagkamangan dagiti tattao a nangatngato a korte nu bilang adda dagiti mapasamak a nakaro a panaglabsing ti karbengan dagiti tattao ditoy pagilian.
