Saan a madanagan ni dati nga Ilocos Sur Governor Luis Chavit Singson kalpasan a nakemmeg gapu iti kasona a cyberlibel nga impila iti saanen a nainaganan a grupo.
Dayta ket kasaruno dagiti nagwaras a ladawanna a naka-mugshot ken nakemmeg gapu iti nasao a kaso.
Iti pannaki-uman ti Bombo Radyo Vigan ken ni Singson, imapaganetgetna nga awan ti basolna isu nga awan iti rumbeng a pakadanaganna.
Kinunana nga insigida met laeng a naka-pyansa kalpasan a naawatna iti nasao a reklamo.
No pay kasta ket agdudua daytoy iti nasao a kaso ngem awan iti parikot kenkuana ta kabaelanna met a labanan ken patienna a maysa a dayaw iti maidarum ita ta isu iti gundaway tapno ilaban ti kinapudno.
Impalagipna iti publiko a no adda dagiti mangireklamo kadakuada ket saan a rumbeng a mabuteng nga ilaban iti pudno ken kalabanen dagiti tattao a pudno nga adda basolna.
