Inawagan ni dati nga Ilocos Sur Governor Luis Chavit Singson nga insulto para ken ni Pres. Ferdinand Marcos Jr. iti nagbalin a takder ni US Secretary of State Marco Rubio maipanggep iti International Criminal Court (ICC) bayat iti state visit-na iti Pilipinas.
Iti pannaki-uman ti Bombo Radyo Vigan ken ni Singson, ibilang ti Amerika kangrunaan ken ni US Pres. Donald Trump nga illegal iti ar-aramiden iti ICC a panagkemmeg kadagiti agduduma a pagilian ta adda met iti bukod a justice system dagiti pagilian.
Segun ken ni Singson, adu iti pagilian iti saan a mangayat iti ICC ta saanda a kayat iti maar-aramid a kemmegen dagiti umili iti maysa a pagilian ta iti baet a nakaaramidda iti maikaniwas ket pilienda nga iti pagilianda ida a madusa.
Kinuna ni Singson a kasla pagbiagan laeng iti ICC iti mangkemmeg kadagiti umili a kas iti napasamak iti pagilian ta patienna a kakunsabosda ida iti panagtakawan iti Pilipinas isu a kinemmegda ni dati a Pres. Rodrigo Duterte ket naipan idiay The Hague.
Impaganetgetna pay a saan met a miembro iti Pilipinas iti ICC ta nawaswas sipud pay idi administrasyon ni dati a Pres. Duterte.
