--Ads--
Binabalaw ni House Justice Committee Chairperson ken Batangas 2nd District Representative Gerville Jinky Luistro ti alegasion nga adda dagiti agpampanday linteg a napasuksokan kasukat ti botos iti impeachment complaint kontra ken ni Bise Presidente Sara Duterte.
Segun ken ni Luistro, awan ti naawat na nga aniaman a gandat manipud iti liderato ti Kamara tapno maimpluwensia-an ti addang iti panag-botos ti komite.
Ti isyu a pasuksok ket immuna a dinakamat ni Navotas Rep. Toby Tiangco, banag a dagus a pinaglibakan dagiti dadduma pay a miembro ti komite kas ken ni Manila Rep. Joel Chua.
Impaganetget ni Luistro nga uray natural a political process ti impeachment, naka-basar latta daytoy iti ebidensia ken panagsungbat iti publiko.
-- ADVERTISEMENT --
